Science Week Armenia 2024
Հետաքրքրո՞ւմ է, թե ինչպես է աշխատում գիտությունը, ինչ առաքելություն ունեն գիտնականները, ինչպիսի նոր գիտական ու տեխնոլոգիական լուծումներ կան, ապա Science Week Armenia-ն՝ առաջին ազգային գիտության շաբաթը հենց ձեզ համար է։ Միջոցառման օրերին Ազատության հրապարակը, համալսարանները, դպրոցները և մանկապարտեզները ամբողջ Հայաստանի տարածքում կդառնան գիտության և տեխնոլոգիաների խթանման կենտրոններ:
Գիտության շաբաթվա ընթացքում նախատեսվում է.
- Ապակենտրոնացված միջոցառումներ մանկապարտեզներում, դպրոցներում ու բուհերում,
- Գիտության փառատոն Երևանի Ազատության հրապարակում։
Փառատոնը բաժանված է լինելու 3 թեմատիկ մասերի.
- Գիտությունն ամենուրեք է, հոկտեմբերի 1-2
- Մասնագիտական կողմնորոշում, հոկտեմբերի 3-4
- Գիտական ֆանտաստիկա, հոկտեմբերի 5-6
Science Week Armenia-ն կլինի լի գիտափորձերով, դասախոսություններով, մրցույթներով, ցուցահանդեսներով, վարպետության դասերով և բազմաթիվ այլ միջոցառումներով: Միջոցառումը նպատակ ունի՝
- Օգնել բացատրել գիտության դերը և կարևորությունը հասարակության բոլոր խմբերին մատչելի, հասկանալի և հետաքրքրաշարժ ձևով,
- Ոգեշնչել երիտասարդ սերնդին ներգրավվել գիտական գործունեություններում,
- Խթանել գիտական մասնագիտությունների ընտրությունը,
- Խթանել քննադատական մտածողության և գիտելիքահեն քննարկումների զարգացումը:
