Լոնդոնի Cromwell Hospital-ը կատարել է ողնաշարի երկու վիրահատություն՝ օգտագործելով նոր թողարկված Apple Vision Pro-ն: VR ակնոցները վիրահատության ժամանակ կրել են ոչ թե վիրաբույժներնը, այլ բուժքույրը։ Ներկառուցված eXeX ծրագրաշարի միջոցով թիմը կարողացել է առանց վիրահատարանից դուրս գալու փաստաթղթերը և ընթացակարգի հետ կապված այլ տեղեկություններ դիտել:
«Ինձ համար մեծ պատիվ է լինել առաջին թիմում Մեծ Բրիտանիայում և Եվրոպայում, որն օգտագործել է այս ծրագրաշարը վիրաբուժության մեջ։ Ես ոգևորված եմ՝ տեսնելով, թե ինչպես է զարգանում այս տեխնոլոգիան և ինչ ազդեցություն կունենա այն Մեծ Բրիտանիայի հիվանդանոցների վրա»,- ասել է վիրաբույժ Սայեդ Աֆթաբը, ով մասնակցել է վիրահատություններին:
Սա առաջին դեպքը չէ, երբ բժշկական հաստատություններում կիրառվում են վիրտուալ իրականության գործիքներ։ Տարիներ շարունակ VR-ով միացված սիմուլյացիաներն օգնել են բժիշկներին նախապատրաստվել բժշկական պրոցեդուրաներին, վիրահատությունների իմիտացիա անել և այլն: Որոշ դեպքերում տեխնոլոգիան նույնիսկ թույլ է տալիս հիվանդներին նայել իրենց մարմնին և բուժման տարբերակներին: Այն լայն կիրառություն է գտել նաև բժշկական կրթության մեջ։
Apple-ն իր վերջին մամուլի հաղորդագրությունը նվիրել է Vision Pro-ի համար նախատեսված բժշկական հավելվածներին, որոնք գնալով ավելանում են: Ի տարբերություն այլ ականջակալների, Vision Pro-ն հագեցած է տեսախցիկներով, որոնք թույլ են տալիս օգտվողներին տեսնել իրենց շրջապատը: Բժշկական կիրառությունների առումով սա կարող է սարքին առավելություն տալ իր մրցակիցների համեմատ։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
