Apple-ը պատրաստվում է առաջիկա միջոցառմանը, որն, ինչպես սպասվում է, նվիրված կլինի iPhone 15-ի շնորհանդեսին։
Ընկերությունն ավելի վաղ հայտարարել էր, որ հեռարձակումը տեղի կունենա երեքշաբթի՝ սեպտեմբերի 12-ին, իսկ այժմ Apple-ը YouTube-ում հրապարակել է հեռարձակման հղումը։ Ցանկացողները կարող են գրանցվել միջոցառման մեկնարկի մասին տեղեկանալու համար։ Հեռարձակումը կսկսվի Երևանի ժամանակով 21:00-ին:
Ի հավելումն YouTube-ում իրադարձությունների հեռարձակմանը, Apple-ը նախատեսում է նաև հեռարձակումը հասանելի դարձնել Events կայքի և Apple TV հավելվածի միջոցով:
Բացի iPhone 15-ից, միջոցառմանը կհայտարարվեն Apple Watch Series 9-ը, Apple Watch Ultra 2-ը և նոր AirPods Pro-ն՝ USB-C-ով հագեցած պատյանով:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
