Բակալավրի ուսանող Ալեքսանդր Ժադանը թվիթերում պատմել է, որ իր թեզը գրել է ChatGPT-ի միջոցով և կարողացել է պաշտպանել այն իր համալսարանում:
Նա բացատրել է, որ չի ցանկացել ինքնուրույն թեզ գրել կամ վճարել դրա համար, ուստի որոշել է օգտագործել OpenAI-ի չաթ բոտը։ Խորամանկ ուսանողը պաշտպանել է դիպլոմային աշխատանքը «Խաղային ընկերության կառավարման վերլուծություն և կատարելագործում» թեմայով։
Սկզբում Ժադանը խնդրել է գրել թեզի պլան տվյալ թեմայով և առանց որևէ բան փոխելու ուղարկել է այն ղեկավարին։ Քանի որ պլանը պահանջվում էր ուղղել գիտական աշխատանքներ գրելու ձեռնարկին համապատասխան, նա նաև խնդրել է բոտին ուսումնասիրել ձեռնարկը և դիպլոմային աշխատանքի պլանը հարմարեցնել դրան։
Աշխատանքի մասին ներածություն գրելու համար Ժադանը ChatGPT-ին ուղարկել է հիմնական հարցումը անգլերեն լեզվով, այնուհետև մի քանի անգամ խնդրել է նրան լրացնել այն՝ տեքստի չափի սահմանափակման պատճառով, ինչպես ավելացնել գրականություն։
Նույն ձևով է գրվել նաև աշխատության առաջին՝ տեսական գլուխը։
Դիպլոմի երկրորդ և երրորդ մասերը պահանջել են վերլուծություն՝ հաշվարկներով և գործնական առաջարկություններով: Դրա համար Ժադանը գտել է նմանատիպ աշխատանք մեկ այլ ընկերության համար, ուղարկել է այն բոտին և խնդրել փոխել տեքստը՝ իր թեմային համապատասխան:
Ընդհանուր առմամբ, դիպլոմային աշխատանքի պատրաստման համար ուսանողը ծախսել է 23 ժամ, որից 15 ժամը ChatGPT-ի միջոցով գրելու համար և ևս 9 ժամ՝ խմբագրման։
Դիպլոմի ինքնատիպությունը կազմել է 82%։ Չնայած հանձնաժողովը արձանագրել է ռուսաց լեզվի տրամաբանության անհամապատասխանություն ու խախտումներ, այնուամենայնիվ Ժադանն «իր» աշխատանքի համար ստացել է «բավարար» գնահատական։
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
