Xiaomi կորպորացիան իր սմարթֆոնների օգտատերերին թույլ կտա անջատել գովազդն իրենց սարքերում։ Այս մասին հայտնում է SmartPrix-ը։
Այս նոր առանձնահատկությունը հայտնվել է HyperOS-ի վաղ նախագծում: Այն Android-ի համար նախատեսված համակարգ է, որն օգտագործվում է Xiaomi սարքերում։ Նախկինում այն կոչվում էր MIUI: Համակարգի կարգավորումներում կարող եք անջատել բոլոր գովազդները մեկ կոճակով: Գաջեթի տիրոջը անհրաժեշտ է միայն ապակտիվացնել «Գովազդ համակարգային հավելվածներում» («Реклама в системных приложениях») կոճակը։
Xiaomi սարքերում, ներառյալ սմարթֆոններում, գովազդը չինական կորպորացիայի բիզնես մոդելի առանձնահատկությունն է: SmartPrix-ի մասնագետները բացատրել են, որ ընկերությունը ցածր է պահում իր սարքերի գները, սակայն գումար է աշխատում՝ գովազդ ցուցադրելով օգտատերերին։
Ներկայումս Xiaomi սմարթֆոնների վրա ներկառուցված գովազդն անջատելու համար հարկավոր է հեռացնել մի քանի կարգավորումներ և համակարգային հավելվածներ։ Նշվում է, որ, եթե գործարկվի փոխարկման այս նոր կոճակը, ապա դա մեծապես կհեշտացնի այս գործընթացը:
Նոր գործառույթի ներդրման ժամկետները հայտնի չեն:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
