Այս շաբաթ SpaceX-ը ուղեծիր դուրս բերեց Starlink հեռահաղորդակցության արբանյակների հերթական խմբաքանակը, որոնց ընդհանուր թիվը արտաքին տիեզերքում գերազանցեց 7000-ը: CelesTrak ծառայության տվյալներով՝ Երկրի ուղեծրի ակտիվ արբանյակների գրեթե երկու երրորդը գտնվում է Իլոն Մասկի ընկերության վերահսկողության տակ։
Զեկույցում ասվում է, որ SpaceX-ը ներկայումս վերահսկում է տիեզերանավերի 62%-ից մի փոքր ավելին, ունի 6370 ակտիվ Starlink արբանյակներ Երկրի ցածր ուղեծրում և ևս մի քանի հարյուր տիեզերանավ անգործուն են կամ արդեն հեռացել են ուղեծրից: 2019 թվականի առաջին արձակումից ի վեր Starlink ուղեծրային համաստեղությունը օրական ավելանում է միջինում 3 արբանյակով։
Իլոն Մասկի ընկերության ամենամոտ մրցակիցը՝ OneWeb-ը, ունի 631 արբանյակներից բաղկացած ուղեծրային համաստեղություն։ Հետաքրքիր է, որ 2022 թվականին Roscosmos-ի հետ համագործակցության դադարեցումից հետո OneWeb-ն օգտագործում է SpaceX հրթիռները՝ իր արբանյակները տիեզերք ուղարկելու համար։
Ինչ վերաբերում է SpaceX-ի ծրագրերին, ապա ընկերությունը մտադիր է ուղեծիր դուրս բերել 42 հազար արբանյակ՝ Երկրի յուրաքանչյուր անկյունում գերարագ ինտերնետ հասանելիություն ապահովելու համար։ Ներկայումս Starlink-ը ինտերնետ հասանելիություն է ապահովում 102 երկրներում, որտեղ մոտ 3 միլիոն մարդ օգտվում է ընկերության ծառայություններից։
Starlink արբանյակային ինտերնետին միանալու համար անհրաժեշտ է հատուկ տերմինալ, իսկ ծառայությունների արժեքը ամսական մոտ $300 է։
Ապագայում ընկերությունը նախատեսում է լայնաշերտ ինտերնետ հասանելիության ծառայություններ մատուցել տասնյակ այլ երկրներում։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
