Թումո ստեղծարար տեխնոլոգիաների կենտրոնը հայտարարում է, որ Թումոյի կրթական ցանցն այժմ ընդգրկում է ողջ Տավուշի մարզը՝ նորարարական կրթություն ստանալու հնարավորություն ընձեռելով ոչ միայն մարզի բոլոր՝ անգամ ամենահեռավոր և սահմանամերձ համայնքների, այլ նաև հարևան մարզերի մի շարք բնակավայրերի պատանիների համար:
Տավուշի մարզում դեռ 10 տարի առաջ հիմնադրված Թումո Դիլիջանին վերջերս միացել է նորաբաց Թումո Կողբը, որտեղ արդեն սովորում են շուրջ 300 պատանիներ: Կենտրոնը նախաձեռնվել է Կողբ հիմնադրամի հետ համագործակցությամբ և իրականություն դարձել Թումո Հայաստան ծրագրի նվիրատուների, JHM հիմնադրամի, Mission Enfance հումանիտար ասոցիացիայի, ինչպես նաև Ջուդիթ Սարյանի և Վիկտոր Զարուգյանի աջակցության շնորհիվ։
Դիլիջանի և Կողբի Թումո կենտրոններից և դրանց կցված՝ Իջևանի, Բերդի, Ազատամուտի, Արձվաբերդի, Սևանի, Գավառի, Շնողի, Ճամբարակի, Օձունի և շուտով՝ Ծովագյուղի Թումո տուփերից բաղկացած միջմարզային ցանցի շնորհիվ ստեղծվել են ոչ միայն կրթական հնարավորություններ և տասնյակ աշխատատեղեր, այլև նաև սոցիալական և համագործակցային կապեր տարբեր մարզերի պատանիների միջև:
![ԹՈՒՄՈ կենտրոնը շուտով ամբողջապես հասանելի կլինի Հայաստանի 3 մարզերում 1 ԹՈՒՄՈ կենտրոնը շուտով ամբողջապես հասանելի կլինի Հայաստանի 3 մարզերում](https://how2b.am/wp-content/uploads/sites/2/2024/01/koghb-5-1024x683.jpg)
![ԹՈՒՄՈ կենտրոնը շուտով ամբողջապես հասանելի կլինի Հայաստանի 3 մարզերում 2 ԹՈՒՄՈ կենտրոնը շուտով ամբողջապես հասանելի կլինի Հայաստանի 3 մարզերում](https://how2b.am/wp-content/uploads/sites/2/2024/01/tumo-tavush-hye-1024x704.jpg)
![ԹՈՒՄՈ կենտրոնը շուտով ամբողջապես հասանելի կլինի Հայաստանի 3 մարզերում 3 ԹՈՒՄՈ կենտրոնը շուտով ամբողջապես հասանելի կլինի Հայաստանի 3 մարզերում](https://how2b.am/wp-content/uploads/sites/2/2024/01/414012211_682647374044185_629508193269826550_n-1024x683.jpg)
![ԹՈՒՄՈ կենտրոնը շուտով ամբողջապես հասանելի կլինի Հայաստանի 3 մարզերում 4 ԹՈՒՄՈ կենտրոնը շուտով ամբողջապես հասանելի կլինի Հայաստանի 3 մարզերում](https://how2b.am/wp-content/uploads/sites/2/2024/01/65547a1d2d4768.14763609.jpg)
Տավուշը Թումոյի ցանցում ամբողջապես ընդգրկված երկրորդ մարզն է՝ Շիրակից հետո: Հաջորդ մարզը, որտեղ Թումոն հասանելի կլինի ամբողջապես` Սյունիքն է։ Շարունակելով իրագործել Հայաստանի ողջ տարածքում նորարարական կրթության հավասար հասանելիության ապահովման իր առաքելությունը՝ Թումոն նախատեսում է 16 կենտրոններից և 110 տուփերից բաղկացած ցանցի կառուցումն ավարտել 2026 թվականին:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար: