TUMO Labs-ը մեկնարկում է իր GreenTech Incubation ծրագիրը, որն ուղղված է կայուն տեխնոլոգիաների և բնապահպանական նորարարությունների խթանմանը: Այս 12-շաբաթյա ինտենսիվ ծրագիրը կօգնի ձեռներեցներեցներին իրենց կանաչ տեխնոլոգիական գաղափարները վերածել կենսունակ բիզնես մոդելների:
Ծրագրի մասնակիցները ստանալու են բազմակողմանի աջակցություն՝ ներառյալ առաջատար ոլորտային մասնագետների անհատական մենթորություն, տեխնիկական ռեսուրսներ, ինչպես նաև մասնագիտացված ուղղորդում բիզնեսի զարգացման բոլոր փուլերում:
GreenTech Incubation-ը բաց է բոլոր նրանց համար, ովքեր ձգտում են նորարարական լուծումներ առաջարկել հետևյալ ոլորտներում՝ կայուն նորաձևություն, էկոտուրիզմ, շրջանաձև տնտեսություն, ռեսուրսների արդյունավետ կառավարում և վերականգնվող էներգետիկա:
Ծրագիրը նախատեսված է և՛ նրանց համար, ովքեր արդեն ունեն հստակ մշակված գաղափար, և՛ նրանց, ովքեր դեռ փնտրում են իրենց ուղին կանաչ տեխնոլոգիաների ոլորտում: Ծրագրի մեկնարկին կազմակերպվող Ideathon միջոցառման ընթացքում մասնակիցները հնարավորություն կունենան կազմավորել թիմեր, իսկ հետագա ինկուբացիոն փուլում՝ համագործակցել նոր գաղափարների զարգացման և իրականացման ուղղությամբ:
Հետաքրքրված թեկնածուները կարող են դիմել մինչև մարտի 3-ը:
Մանրամասների և գրանցման համար այցելեք այստեղ։
