Թումո լաբերը «Կլիմայական ցանց» նախագծի շրջանակում կհամագործակցի Amazon Web Services-ի հետ:
Ուսանողները նախագծելու, կառուցելու և գործարկելու են IoT սարքեր Թումո տուփերի վրա կլիմայական և եղանակային տվյալներ հավաքելու համար:
Նախագծին կարող է մասնակցել 18 տարին լրացած յուրաքանչյուր ոք, որն ունի IoT համակարգերի, Arduino/Raspberry Pi-ի, Python-ի, AWS ամպային համակարգի, mySQL-ի, front-end ծրագրավորման կամ ապարատային մշակման հետ աշխատելու որոշակի փորձ:
Նախագծին մասնակցությունն անվճար է, այն կմեկնարկի մայիսից և կտևի 6 ամիս։ Մասնակցելու համար անհրաժեշտ է մինչև մայիսի 5-ը լրացնել հայտադիմումն այստեղ։
Թումո տուփերը վերամշակված պողպատե կոնտեյներներ են, որոնք հնարավորություն են տալիս դիզայնի և տեխնոլոգիաների ուսուցումը հասանելի դարձնել փոքր համայնքներում: AWS-ը կանցկացնի Immersion day-եր ու դասընթացներ և կաջակցի ուսանողներին ծրագրի ամբողջ ընթացքում:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
