Instagram-ը փորձում է մրցակցել TikTok-ի հետ կարճ տեսանյութերի մասով, սակայն ամերիկյան սոցիալական ցանցի ամենահայտնի գործառույթները մնում են լուսանկարների հրապարակումը ֆիդում և Stories բաժնում։ Այժմ TikTok-ն աշխատում է իր սեփական հավելվածի վրա, որը կմրցի Instagram-ի լուսանկարների հոսքի հետ։
TikTok հավելվածի վերջին տարբերակում հայտնաբերվել են բազմաթիվ հղումներ դեպի նոր TikTok Photos հավելվածը, հայտնում է TheSpAndroid բլոգը։ Հավելվածը, հավանաբար, շատ նման կլինի Instagram-ին. այն կունենա լրահոս՝ ընկերների և ընտանիքի անդամների համար լուսանկարներ տեղադրելու համար: Այստեղ հնարավոր կլինի նաև տեղադրել որոշ բովանդակություն հիմնական TikTok հավելվածից։
TikTok Photos-ի թողարկման ամսաթիվը դեռ հայտնի չէ, բայց շուտով պետք է սպասել պաշտոնական հայտարարություն: Instagram-ում հայտնի բլոգերները բողոքում են, որ սոցիալական ցանցն ավելի ու ավելի է կենտրոնանում տեսանյութերի վրա և կորցնում է իր սկզբնական նպատակը՝ որպես լուսանկարների փոխանակման հարթակ: TikTok-ը կարող է լրացնել այս տեղը, բայց հիմա, հավանաբար, լավագույն ժամանակը չէ նման ջանքերի համար. ամերիկացի խորհրդարանականները պատրաստվում են քվեարկել մի օրինագծի օգտին, որը կստիպի ByteDance-ին վաճառել TikTok-ը՝ Միացյալ Նահանգներում արգելափակման սպառնալիքի ներքո:
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։
