Meta-ի ղեկավար Մարկ Ցուկերբերգը հայտնել է, որ Threads հարթակը գերազանցել է 100 միլիոն օրական ակտիվ օգտատերերի շեմը: Այս ցուցանիշը նշանակալի է Threads-ի համար, որը գործարկվել է որպես Twitter-ի (X) մրցակից ընդամենը մեկ տարի առաջ:
Meta-ն շարունակում է զարգացնել հարթակը՝ ներկայացնելով նոր գործիքներ, ինչպիսիք են հոսքերի անհատականացումն ու օգտատերերի համար հավաքածուներ ստեղծելու հնարավորությունը: Ցուկերբերգը նաև նշել է, որ Threads-ի ամսական ակտիվ օգտատերերի թիվը հասել է 300 միլիոնի։ Վերջին երեք ամիսների ընթացքում Threads-ը գրանցում է օրական 1 միլիոն նոր օգտատեր, ինչը վկայում է հարթակի կայուն աճի մասին։
Threads-ի այս արագ աճը գալիս է այն ժամանակ, երբ Elon Musk-ի X հարթակը բախվում է օգտատերերի թվի անկման հետ: Meta-ն ակնկալում է, որ նորամուծությունների և հարմարավետ գործիքների ներդրմամբ Threads-ը կկարողանա պահպանել և զարգացնել իր օգտատերերի բազան՝ գերազանցելով մրցակիցներին։
