Telegram-ը թարմացրել է իր մեսենջերը, որում տեղ են գտել բազմաթիվ նոր գործառույթներ և բարելավումներ: Նոր՝ 9.0 տարբերակում հայտնվել են նոր էմոջիներ, մուտք գործելու նոր եղանակներ և այլն:
Այսպես, նոր տարբերակում մուտք գործելիս օգտատերերը կկարողանան հաստատման կոդը ստանալ ոչ միայն SMS հաղորդագրության, այլ նաև էլեկտրոնային փոստի միջոցով: Հայտնվել է նաև Apple և Google հաշիվների միջոցով մուտք գործելու հնարավորություն:
Ավելացվել են արձագանքների տասնյակ նոր տարբերակներ, որոնք նախկինում հասանելի էին միայն Telegram Premium վճարովի տարբերակում: Թարմացվել է էմոջիների ընտրության մենյուն, որը ավելի հարմարավետ է դարձնում էմոջիների նախնական դիտարկումն այն ուղարկելուց առաջ: Վճարովի տարբերակի օգտատերերը այժմ կարող են իրենց անվան կողքին սահմանել էմոջի-կարգավիճակ:
Նոր տարբերակներ են ավելացվել նաև անձնական էջերի ցուցադրման համար: Հասանելի է դարձել էջի հղման նոր ունիկալ ձևաչափ՝ username.t.me, որը ավելի է շեշտադրում օգտատիրոջ անունը:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
