Telegram-ը կսկսի գովազդից ստացված եկամուտի 50%-ը կիսել ալիքների սեփականատերերի հետ։ Հեղինակները կստանան հասույթի իրենց բաժինը TON բլոկչեյնով աշխատող Toncoin կրիպտոարժույթով։ Այս նորույթը ուժի մեջ է մտնելու 2024 թվականի մարտին։
Ըստ Դուրովի, այս մոտեցումը կապահովի «անվտանգություն» և թույլ կտա հեղինակներին «արագ» ստանալ գումարը։ Սակայն, այսպես չի կարծում Yandex-ի արդյունաբերության հետ կապերի տնօրեն Քսենյա Բոլեցկայան։ Ըստ նրա Telegram-ում գովազդի համար կրիպտոարժույթ ստանալը կարող է «գլխացավանք» դառնալ ալիքների սեփականատերերի համար։ Օգտատերերը կարող են դժվարություններ ունենալ կանխիկացման, եկամուտների հայտարարագրման և մի շարք այլ հարցերում:
Դուրովը նշել է, որ Telegram-ի ալիքները ամսական մոտ 1 տրիլիոն դիտում են ապահովում, սակայն առայժմ գովազդ է ցուցադրվում դրանց միայն 10%-ում։
Ըստ Telegram չաթի վերլուծական Combot ծառայության հիմնադիր Ֆեդոր Սկուրատովի դրամայնացման հիմնական նպատակը դեպի TON էկոհամակարգ ներգրավվածության բարձրացումն է, որը վերաներդնելու է կրիպտոարժույթը մեսենջերի ներսում։
Telegram-ում դրամայնացման հայտնվելու մասին լուրերի ֆոնին Toncoin-ի արժեքն աճել է 31%-ով` հասնելով 2,86 դոլարի։
Պավել Դուրովը հայտնել է նաև, որ պատրաստվում են մարտին Telegram-ը գործարկել 100 նոր երկրներում, որտեղ մինչ այս հասանելություն չկար մեսենջերին։
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։
