Team Solutions-ը ներկայացրել է իր «Զանգեզոր» պրոդուկտը 4Future Banking կոնֆերանսում

Վերջին լուրերը
Team Solutions-ը ներկայացրել է իր «Զանգեզոր» պրոդուկտը 4Future Banking կոնֆերանսում
How2B
How2B-ն մեդիա հարթակ է, որի գլխավոր նպատակն է հեշտացնել բիզնես անելը Հայաստանում:

Մայիսի 20-ին 4Future Banking միջազգային համաժողովը Հայաստանում համախմբեց աշխարհի առաջատար բանկերի շուրջ 150 փորձագետների, ովքեր կիսվեցին իրենց փորձով ու գիտելիքներով մշտապես զարգացող բանկային ոլորտի վերաբերյալ: Միջոցառման ընթացքում Team Solutions ընկերությունը ներկայացրեց կոնտակտային կենտրոններին ամբողջական լուծում տրամադրող Zangezor պրոդուկտը։

Ծանոթացնելով ընկերության գործունեության ուղղություններին՝ Team Solutions ընկերության տնօրեն Տաթևիկ Ավագյանը նշեց, որ իրենք մասնագիտացած են պետական կառավարման էլեկտրոնային համակարգերի և մասնավոր ոլորտին ուղղված ծրագրային լուծումների մշակման մեջ։

- Advertisement -
Team Solutions-ը ներկայացրել է իր «Զանգեզոր» պրոդուկտը 4Future Banking կոնֆերանսում

Ի թիվս բազմաթիվ իրականացրած և ընթացիկ նախագծերի՝ ընկերությունը մշակում է նաև սեփական պրոդուկտները, որոնց շարքում յուրահատուկ տեղ է զբաղեցնում Զանգեզորը։ Վերջինս զանգերի, էլեկտրոնային նամակների, կարճ հաղորդագրությունների և շուտով նաև սոցիալական հարթակներից ստացված հաղորդագրությունների մշակման ու սպասարկման միասնական համակարգ է, որն դյուրինացնում է ծառայություն մատուցող կազմակերպությունների սպասարկման գործընթացը՝ հաճախորդներին հնարավորինս արագ և համապարփակ արձագանք տալով։

«Համակարգի ճկունությունը հնարավորություն է տալիս Զանգեզորը հարմարացնել ցանկացած ոլորտի ընկերության բիզնես գործընթացներին, ինչպես նաև ինտեգրել ընկերության ներքին համակարգերի հետ՝ էականորեն բարձրացնելով հաճախորդների սպասարկման արդյունավետությունը»,- ասաց ծրագրի ղեկավար Լիանա Տեր-Ավետիսյանը։

«Հաշվի առնելով մեր օրերում տեխնոլոգիական ոլորտի աննախադեպ զարգացումները, բնականաբար մենք ևս փորձում ենք ժամանակին համահունչ զարգացնել պրոդուկտը և մեր հաճախորդների համար ապահովել նորարարական լուծումներ։ Առաջիկայում ցանկանում ենք դուրս գալ նաև միջազգային շուկա»,- հավելեց Տաթևիկ Ավագյանը:

Ներկայումս փորձարկման փուլում է գտնվում նաև արհեստական բանականության գործիքակազմի ներդրումը համակարգում։
4Future Banking միջոցառումը ոլորտի մասնագետների համար ծառայեց որպես հարթակ՝ մտքեր փոխանակելու, զարգացող միտումները քննարկելու և թվային դարաշրջանում հաճախորդների զարգացող պահանջները բավարարելու նորարար մոտեցումներ ուսումնասիրելու համար:

Պանելային քննարկման և ելույթների ժամանակ խոսնակներն անդրադարձան այնպիսի կարևոր թեմաների, ինչպիսիք են հաճախորդների ֆիզիկական և թվային փորձառությունների միջև հավասարակշռությունը, թվային դարաշրջանում հաճախորդների հավատարմության ապահովումը, հաճախորդների հետ կայուն հարաբերությունների պահպանումը և այլն։

Zangezor պրոդուկտի մասին How2B-ի ռեպորտաժը դիտեք այստեղ՝

Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:

Կարդացե՛ք նաև
Կարդացե՛ք նաև
spot_imgspot_img
Ամենաընթերցվածները