2024 թվականի հունվար-սեպտեմբեր ամիսներին հավաքագրված հարկային եկամուտները կազմել են 1 տրիլիոն 760 միլիարդ դրամ։ Այս ցուցանիշը 112.7 միլիարդ դրամով կամ 6.8%-ով գերազանցում է նախորդ տարվա նույն ժամանակահատվածի արդյունքները:
Հատկանշական է, որ միայն երրորդ եռամսյակում հավաքագրվել է 579.6 միլիարդ դրամ՝ նախորդ տարվա նույն ժամանակահատվածի համեմատ գրանցելով 10% աճ:
ԱԺ մշտական հանձնաժողովների համատեղ նիստում 2025 թվականի պետական բյուջեի նախագծի քննարկման ժամանակ Պետական եկամուտների կոմիտեի նախագահ Ռուստամ Բադասյանը վստահություն է հայտնել, որ մինչև տարեվերջ այս աճի դինամիկան կպահպանվի և ցուցանիշները կշարունակեն բարելավվել։
