«Տաշիր» ընկերությունների խումբը պատրաստվում է գործարկել հագուստի սեփական բրենդը, գրում է «Կոմերսանտ»-ը՝ հղում անելով «Տաշիր»-ի մամուլի ծառայությանը։
Նշվում է, որ այն ներկայացված կլինի ընկերության Take Away ցանցի սեփական հանրախանութներում։ «Տաշիր»-ը նաև նոր տարածքներ է փնտրում առևտրի կենտրոններում այս հանրախանութների բացման համար։
Ըստ պարբերականի՝ Ռուսաստանից արևմտյան ապրանքանիշերի դուրսբերումից հետո առանց հիմնական վարձակալների մնացած խոշոր առևտրի կենտրոնների սեփականատերերը որոշել են դրանք փոխարինել սեփական ապրանքանիշերի խանութներով։
Ներկայումս «Տաշիր»-ն ունի երեք հանրախանութ սեփական առևտրի կենտրոններում: Անցած տարի խումբը գործարկել է նաեւ Zebra Home տան համար նախատեսված ապրանքների ցանցը, որի առաջին խանութը բացվել է «Տաշիր»-ին պատկանող Kvartal West առևտրի կենտրոնում։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
