SpaceX Starship տիեզերանավը երեկ հաջողությամբ արձակվել է Տեխասի Բոկա Չիկա քաղաքի SpaceX Starbase կայանից։
Տիեզերանավն առաջին անգամ պտտվել է երկրագնդի շուրջը, սակայն վերջինիս հետ կապը կորել է փորձարկման վերջին փուլում, այն պահին, երբ նորից մտել է մթնոլորտ: Մշակողները հաստատել են, որ այն կա՛մ այրվել է, կա՛մ պարզապես քանդվել է նորից մուտք գործելիս:
«Մենք հայտնում ենք, որ կորցրել ենք 28 նավը», – ասել է SpaceX-ի ներկայացուցիչ Դեն Հյուտը՝ նշելով Starship-ի համարը, սարքի հետ երկար ժամանակ հեռաչափական հաղորդակցությունից հետո,- «Մինչ այժմ մենք նավից որևէ լուր չենք ստացել, ուստի անձնակազմը հայտարարել է, որ նավը կորցրել ենք։ Այնպես որ, այսօր վայրէջք չի լինի»։
SpaceX-ը պատրաստվում է Starship տիեզերանավի երրորդ փորձնական թռիչքին
Նախորդ երկու փորձերն ավարտվել են ինչպես Super Heavy 33 շարժիչային ուժեղացուցիչի, այնպես էլ Starship-ի պայթյունով, որը նախատեսված է մինչև 100 տիեզերագնաց տեղափոխելու համար:
Տիեզերանավը արձակելու առաջին փորձը տևել է չորս րոպե, երկրորդը՝ ութ, իսկ վերջինը՝ ավելի քան 50 րոպե՝ հասելով տիեզերք։
Չնայած երկրորդ փուլի անհաջող անկմանը, Starship-ի թռիչքը կարելի է համարել մեծ հաջողություն SpaceX-ի համար: Գրեթե բոլոր նպատակները կատարվել են, և ստացված տվյալները թույլ կտան ինժեներներին շտկել թերությունները հաջորդ մեկնարկի համար:
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։
