Օրեր առաջ Իլոն Մասկն X-ի իր էջում հայտարարել էր, որ այսօր՝ հունվարի 27-ին, SpaceX-ը կսկսի բջջային հեռախոսներն ուղղակիորեն միացնել Starlink արբանյակային ցանցին։
Դրան կօգնի Direct to Cell տեխնոլոգիան, որի շնորհիվ արբանյակները կարող են օգտագործվել որպես բջջային աշտարակներ ուղեծրում: Դրանք կապահովեն մուտք դեպի ինտերնետ, զանգեր, հաղորդագրություններ՝ առանց հեռախոսը վերգետնյա կայաններին միացնելու։
Ընկերությունը կկարողանա բջջային սարքերը միացնել ինտերնետին աշխարհի ցանկացած կետում, նույնիսկ ամենահեռավոր վայրերում:
Հիշեցնենք, որ վերջերս հաստատվել են Հայաստանի կողմից պաշտոնապես STARLINK-ի երկու հիմնական դիմումները և ՀՀ տարածքում «ՍՏԱՐԼԻՆԿ» ընկերության հայտերը բավարարվել են։ Այժմ Հայաստանը թեստավորման փուլում է, և ակնկալվում է, որ մոտակա ամիսներին այն կավարտվի, և ծառայությունը Հայաստանում նույնպես ամբողջությամբ կշահագործվի։
