SpaceX-ը հայտարարել է, որ Starship հրթիռային համակարգի վեցերորդ փորձնական թռիչքը տեղի կունենա սովորականից ութ ժամ ուշ, գրում է Techcrunch-ը։
Ինչպես պարզվեց, SpaceX-ը թռիչքը կարգավորող մարմնից՝ ԱՄՆ Դաշնային ավիացիոն գործակալությունից (FAA), թույլտվություն է ստացել միանգամից հինգերորդ և վեցերորդ փորձնական թռիչքների համար։
Վեցերորդ փորձնական արձակումը կիրականացվի հրթիռի հինգերորդ փորձարկումից մոտավորապես մեկ ամիս անց։ Ըստ SpaceX կայքի հայտարարության՝ դա տեղի կունենա նոյեմբերի 18-ին՝ տեղական ժամանակով ժամը 16:00-ին։
Super Heavy կոչվող այս հրթիռի առաջին փուլի վեցերորդ մեկնարկի նպատակները կլինեն նույնը, ինչ հինգերորդ փորձնական թռիչքի ժամանակ էր: Նավը կստանա նաև մի փոքր փոփոխված ջերմային պաշտպանություն և բարելավված պահեստային համակարգ։ Նախորդ թռիչքի ժամանակ այն քիչ էր մնում բախվեր հարթակին՝ ծրագրային ապահովման սխալի պատճառով, ինչը, կարծես, ուղղվել է՝ նախապատրաստվելով հաջորդ փորձնական մեկնարկին:
SpaceX-ը հայտնել է, որ վեցերորդ փորձնական թռիչքի ընթացքում հավաքագրված տվյալները թույլ կտան մոտենալ յոթերորդ փորձնական մեկնարկին «ամբողջովին թարմացված նավով»՝ նոր ջերմային պաշտպանությամբ և ավելի մեծ վառելիքի տարաներով։
