Ճապոնական SoftBank կոնգլոմերատը մոտ է մինչև 40 միլիարդ դոլարի ներդրում կատարելու գործարքին OpenAI-ում, որի նախնական շուկայական արժեքը գնահատվում է 260 միլիարդ դոլար, հայտնում է CNBC-ն: Ակնկալվում է, որ գումարի մի մասը կօգտագործվի OpenAI-ի կողմից Stargate-ի ֆինանսավորման համար, որը SoftBank-ի, OpenAI-ի և Oracle-ի համատեղ ընկերությունն է:
Ըստ CNBC-ի՝ առաջին տրանշը OpenAI-ի բանկային հաշվին կհասնի այս գարնանը, իսկ ամբողջ գումարի փոխանցման համար կպահանջվի 12-ից 24 ամիս: Ներդրումների գումարը 15 մլն դոլարով ավելի է, քան մեկ շաբաթ առաջ ընկերությունների միջև բանակցությունների ժամանակ քննարկված սկզբնական ներդրման գումարը։
The New York Times-ը հայտնում է, որ ֆինանսավորման փուլին մասնակցում են նաև մի քանի այլ ներդրողներ՝ տրամադրելով ընդհանուր գումարի մեկ քառորդը։ Գործարքը ցույց է տալիս, որ ներդրողները շարունակում են բարեհաճ լինել AI առաջատարների նկատմամբ, ինչպիսին է OpenAI-ը, չնայած նրանց բաժնետոմսերի անկմանը, որը տեղի ունեցավ այն բանից հետո, երբ չինական DeepSeek ընկերությունը հայտարարեց, որ իր AI մոդելները մշակվել են ԱՄՆ տեխնոլոգիական հսկաների կողմից իրենց մոդելների վրա ծախսած գումարի չնչին մասով:
Նոր ֆինանսավորումը OpenAI-ին կդարձնի աշխարհի ամենաթանկ մասնավոր ընկերություններից մեկը՝ SpaceX օդատիեզերական ընկերության և TikTok սեփականատեր ByteDance-ի հետ մեկտեղ, գրում է The New York Times-ը։
Հիշեցնենք, որ օրեր առաջ SoftBank-ը հայտարարել էր OpenAI-ում մոտ 25 միլիարդ դոլարի ներդրում կատարելու պլանների մասին։
Կարդացե՛ք նաև.
