Ռուս գիտնականները պլազմային շարժիչի նախատիպ են մշակել, որի նպատակն է 30-60 օրում ուղևորություններ կատարել դեպի Մարս, գրում է techspot.com-ը։
Գիտնականները ստեղծել են պլազմային էլեկտրական հրթիռային շարժիչի լաբորատոր նախատիպ, որը կարող է հեղափոխություն անել տիեզերագնացության ոլորտում:
Մագնիսական պլազմային արագացուցիչի վրա հիմնված այս շարժիչ համակարգը խոստանում է զգալիորեն կրճատել միջմոլորակային ճանապարհորդության ժամանակը, ինչը պոտենցիալ հնարավորություն կտա դեպի Մարս ուղևորություններ կատարել ընդամենը մեկից երկու ամսում:
Ռուսաստանի ատոմային էներգիայի պետական կորպորացիայի՝ «Ռոսատոմ»-ի կողմից վերջերս ստեղծել է նոր տիեզերանավի շարժիչ՝ տպավորիչ բնութագրերով: Այն զգալիորեն գերազանցում է ավանդական քիմիական հրթիռային շարժիչների հնարավորությունները, որոնք ունակ են առաջացնել առնվազն 6 մղում և առնվազն 100 կմ/վրկ հատուկ իմպուլս։
«Ռոսատոմ» գիտահետազոտական ինստիտուտի գլխավոր տնօրենի առաջին տեղակալ Ալեքսեյ Վորոնովի խոսքով՝ ներկայումս սովորական շարժիչներով թռիչքը դեպի Մարս կարող է տևել գրեթե մեկ տարի՝ մեկ ուղղությամբ, ինչը վտանգավոր է տիեզերագնացների համար տիեզերական ճառագայթման և ճառագայթման ազդեցության պատճառով։ Պլազմային շարժիչների օգտագործուման արդյուքնում կրճատվող ժամանակը հնարավոր կդարձնի տիեզերագնաց ուղարկել Մարս և վերադառնալ:
Շարժիչը դեռ նախատիպի փուլում է և դեռևս հեռու է իրական տիեզերական առաքելություններում օգտագործելուց։
