Հայկական Renderforest ընկերությունը հայտարարել է նոր գործիքի ստեղծման մասին, որն օգտատերերին հնարավորություն է տալիս վայրկյանների ընթացքում ստեղծել պրոֆեսիոնալ կայքեր՝ պատրաստի բովանդակությամբ և պատկերներով։ Արհեստական ինտելեկտի կողմից նախագծված բոլոր կայքերը լիովին եզակի են և չեն կրկնվում։
«Այսօր թողարկեցինք մեր AI վաբկայքեր ստեղծող գործիքը, որը այսօրվանից հասանելի է մեր միլիոնավոր օգտատերերի համար։ Թիմը բավական երկար մշակեց պրոդուկտը, որպեսզի տա շուկայում տարբերվող որակ ու ստեղծարարություն։
Մեր կայքեր ստեղծող գործիքը թույլ է տալիս ձեզ մի քանի ՎԱՅՐԿՅԱՆՈՒՄ ստեղծել պրոֆեսիոնալ վեբկայքեր` արդեն իսկ կոնտենտով և պրոֆեսիոնալ նկարներով։ Ցանկացած կայք ամբողջովին յուրահատուկ է ու չի կրկնվում։ Այսպիսով սա մեզ համար սկիզբն է արդեն պատրաստի թեմպլետներից տրանսֆորմացիոն անցում դեպի արհեստական բանականության տեխնոլոգիաներ»,- սոցցանցերում գրել է Renderforest-ի հիմնադիր Նարեկ Սաֆարյանը։
Նոր գործիքը փորձարկել կարող եք այստեղ։
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։
