Հայաստանի Հանրապետության կառավարությունն այսօրվա նիստում որոշում է կայացրել 2 միլիարդ դրամ հատկացնել տեղեկատվական տեխնոլոգիաների (ՏՏ) ոլորտի ընկերություններին աջակցելու նպատակով: Այս գումարը կհատկացվի կառավարության պահուստային ֆոնդից և կծառայի ոլորտի առևտրային կազմակերպություններին ու անհատ ձեռնարկատերերին պետական աջակցության ծրագրի ֆինանսավորմանը:
Ըստ կառավարության հաշվարկների՝ 2024 թվականին նախատեսվում է ընդհանուր առմամբ 5 միլիարդ դրամի աջակցություն տրամադրել 55 ընկերությունների: 2025 թվականին ծրագիրը կշարունակվի՝ լրացուցիչ 2 միլիարդ դրամի հատկացմամբ:
Ծրագրի առաջին փուլում արդեն իսկ հատկացվել էր 1,5 միլիարդ դրամ, որը բաշխվել է շահառու կազմակերպությունների միջև: Այս նոր՝ 2 միլիարդ դրամի հատկացումը ծրագրի երկրորդ փուլը կլինի:
Կառավարության այս քայլը նպատակ ունի ամրապնդել Հայաստանի դիրքերը տարածաշրջանում որպես ՏՏ ոլորտի առաջատար և ստեղծել նպաստավոր պայմաններ ոլորտի հետագա զարգացման համար:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
