Օքսֆորդի համալսարանի գիտնականները պնդում են, որ հաջողությամբ փորձ են կատարել քվանտային տելեպորտացիայի ոլորտում: Գիտնականները կապել են հեռահար քվանտային համակարգերը, որպեսզի դրանք կարողանան համաժամանակյա հաշվարկներ կատարել՝ տարբեր վայրերում գտնվելու ժամանակ:
Քվանտային տելեպորտացիան թույլ է տալիս տեղեկատվություն փոխանցել միմյանցից հեռավորության վրա գտնվող մասնիկների միջև: Հետազոտողները միացրել են երկու քվանտային պրոցեսոր, որոնք գտնվում են միմյանցից մոտավորապես երկու մետր հեռավորության վրա՝ օգտագործելով հատուկ օպտիկական ինտերֆեյս:
Տվյալների փոխանցումը լույսի օգնությամբ էլեկտրական ազդանշանների փոխարեն գիտնականներին թույլ կտա լուծել հիմնական ինժեներական խնդիրները, որոնք խոչընդոտում են լայնածավալ քվանտային համակարգերի ստեղծմանը: Մասնավորապես, քյուբիթների քանակի ավելացումը բարդացնում է դրանք կայունացնելու և արտաքին միջամտությունից պաշտպանելու խնդիրը։
Նախկինում քվանտային տելեպորտացիան բազմիցս արդեն ցուցադրվել էր փորձերի ժամանակ: Գիտնականներն ապացուցել էին, որ քվանտային վիճակները քյուբիթների բնութագրիչներ են, որոնք նման են դասական համակարգչի բիթերին, որոնք ունակ են հաջողությամբ կապեր ստեղծել հեռավոր համակարգերի միջև:
