Բոտ, որը խելամիտ պատասխան կտա Ձեր գրեթե բոլոր հարցերին: Մի քիչ վախենալու, մի քիչ զարմանալու, մի քիչ էլ անհասկանալի:
Ամերիկյան OpenAI ոչ առևտրային կազմակերպությունը, որը մասնագիտացած է արհեստական բանականությամբ աշխատող տեխնոլոգիաներ ստեղծելու ոլորտում, բացել է ChatGPT չատ-բոտի հասանելիությունը:
Չատ-բոտը կարողանում է զրուցակցի հետ երկխոսություն ծավալել, պատասխանել հարցերի, բանաստեղծություններ, սցենարներ, շարադրություններ, երգեր գրել, ինչպես նաև բացատրել ինչ-որ հարցեր ու օգնել կոդում սխալը գտնելու գործում:
Թողարկումից առաջ արհեստական բանականության թեստավորողները գնահատում էին նախորդ տարբերակների պատասխանները և նորից ու նորից ուսուցանում էին չատ-բոտին՝ հիմնվելով նոր տվյալների վրա:
Open AI-ը GPT-ի երեք տարբերակ ունի: Նախկինում ամենազարգացած մոդելը համարվում էր GPT-3-ը, բայց այն ենթատեքստ չէր հասկանում:
Իսկ ահա ChatGPT-ն նորացված GPT-3.5 տարբերակով է գործում: Վերջինս ավելի լավ է «լեզու գտնում» ենթատեքստի հետ՝ շնորհիվ դետալները և զրուցակցի՝ նախկինում ասածները հիշելու:
Բայց սա դեռ ամենը չէ. ChatGPT-ն կարողանում է գեներացնել սցենարներ՝ փաստացի ստեղծելով նոր սերիաներ արդեն ավարտված սերիալների ու ֆիլմերի համար:
Եթե ենթատեքստը չհասկանալու պատճառով չատ-բոտը սխալվում է, ապա կարելի է ուղղորդող հարց տալ և ավելի շատ տվյալներ կիրառել: Իհարկե, այս մոդելը կարող է անիմաստ մտքեր ևս գեներացնել, բայց OpenAI-ն այդ մասին զգուշացրել է:
OpenAI-ն հիմնադրվել է Y Combinator-ի նախկին նախագահ Սեմ Ալթմանի և Tesla-ի ղեկավար Իլոն Մասկի կողմից գրեթե յոթ տարի առաջ. նրանք որոշել էին ստեղծել արհեստական բանականությամբ աշխատող տեխնոլոգիաներ, որոնք «ունակ կլինեին օգուտ տալ մարդկությանը»: 2018 թվականին Մասկը հեռացավ նախագծից՝ որպես պատճառ նշելով նախաձեռնության հետագա զարգացման վերաբերյալ տարաձայնությունները: Անկախ ամենից՝ Մասկը գնահատել է ChatGPT-ի ունակությունները:
Չատ-բոտի հետ «շփվել» կարող եք՝ սեղմելով այստեղ:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
