OpenAI-ը պատրաստվում է ներկայացնել առաջադրանքների ավտոմատացման նոր գործիք, որը կարող է գործողություններ կատարել օգտատիրոջ անունից, օրինակ՝ կոդ գրել կամ ճամփորդություն ամրագրել: Այս մասին հայտնում է Bloomberg-ը՝ հղում անելով իր աղբյուրներին։
Գործիքը, որը կրում է Operator կոդային անվանումը, հասանելի կլինի ինչպես փորձնական տարբերակով, այնպես էլ ծրագրային ինտերֆեյսով՝ մշակողների համար։
Ներկայումս արհեստական ինտելեկտի մի քանի ծրագրավորողներ զբաղված են ստեղծելով գործակալներ, այսինքն՝ AI ծրագրեր, որոնք ունակ են նվազագույն վերահսկողությամբ կատարել բազմաքայլ առաջադրանքներ։ Anthropic-ը ներկայացրել է այնպիսի գործակալ, որը կարող է իրական ժամանակում վերահսկել, թե ինչ է կատարվում օգտատիրոջ համակարգչում և գործողություններ ձեռնարկել նրա անունից։ Microsoft-ը, որը OpenAI-ի ներդրող է, գործարկել է նաև նամակներ ուղարկելու և գրառումները կառավարելու մի քանի գործիքներ: Google-ը նույնպես աշխատում է նմանատիպ AI գործակալի վրա։
Ըստ աղբյուրի՝ OpenAI-ն աշխատում է գործակալական ծրագրերի հետ կապված մի քանի նախագծերի վրա:Դրանցից ավարտին ամենամոտը ընդհանուր նշանակության գործիքն է, որն առաջադրանքներ է կատարում բրաուզերում։
Նշենք, որ նախկինում OpenAI-ի գործադիր տնօրեն Սեմ Ալթմանն ակնարկել էր, որ ընկերության ուշադրությունը ապագայում կկենտրոնանա գործակալների վրա:
«Մեր մոդելները գնալով ավելի լավն են դառնալու: Բայց ես կարծում եմ, որ հաջորդ մեծ բանը կլինեն գործակալները», – գրել է նա Reddit-ում AMA-ի ժամանակ:
