-0.9 C
Yerevan
Wednesday, February 1, 2023

Ստեղծվել է հավելված՝ ChatGPT-ով գեներացված տեքստերը բացահայտելու համար

Վերջին լուրերը

Ստեղծվել է հավելված՝ ChatGPT-ով գեներացված տեքստերը բացահայտելու համար
How2B
How2B-ն մեդիա հարթակ է, որի գլխավոր նպատակն է հեշտացնել բիզնես անելը Հայաստանում:

Պրինստոնի համալսարանի շրջանավարտ, 22-ամյա Էդվարդ Տիանը ստեղծել է հավելված, որը հայտնաբերում է ChatGPT-ով գեներացված տեքստերը:

«Համացանցում մեծ աղմուկ է այս չաթի շուրջ: Ո՞ր տեքստերն են գրված արհեստական բանականությամբ: Մարդիկ արժանի են իմանալու ճշմարտությունը»,-գրել է Տիանը թվիթերում:

Հավելվածը, որի ստեղծելու վրա Տիանը աշխատել է ձմեռային արձակուրդի ժամանակ, կոչվում է GPTZero: Այն ուսումնասիրում է տեքստերը երկու պարամետրերով՝ «perplexity» և «burstiness»:

Առաջինը ցույց է տալիս տեքստի առանձին հատվածների բարդությունը, ու եթե GPTZero-ն չի հասկանում տեքստը, ուրեմն այն բարդ է, ու, ամենայն հավանականությամբ, գրված է մարդու կողմից: Եվ հակառակը, եթե տեքստը թեթև է ու հասկանալի, ապա մեծ հավանականությամբ այն գեներացված է նեյրոցանցի կողմից:

Երկրորդ պարամետրը հաշվի է առնում տեքստի երկարությունը. մարդիկ սովորաբար տարբեր երկարության նախադասություններ են օգտագործում, մեկ երկար, մեկ կարճ: Իսկ արհեստական բանականության գեներացրած նախադասությունները սովորաբար համեմատաբար նույն երկարության են:

Հեղինակը խոստովանում է, որ համակարգը դեռ կատարյալ չէ և երբեմն կարող է սխալներ թույլ տալ: Տիանը աշխատում է այն կատարելագործելու ուղղությամբ: GPTZero-ն կարելի է փորձարկել այստեղ:

Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։

Կարդացե՛ք նաև

spot_img
spot_img

Ամենաընթերցվածները