Իսրայելցի գիտնականների նոր հետազոտությունը ցույց է տվել, որ մրջյունները խմբային խնդիրների լուծման մեջ գերազանցում են մարդկանց: Ինստիտուտի պրոֆեսոր Օֆեր Ֆեյներամի ղեկավարած թիմը համեմատել է մարդկանց և մրջյունների ունակությունները մեծ օբյեկտների տեղափոխման հարցում:
Փորձի ընթացքում մասնակիցներին առաջարկվել է տեղափոխել մեծ, T-աձև օբյեկտ երեք սենյակներից բաղկացած լաբիրինթոսով: Մարդկանց բաժանել են երեք խմբի՝ անհատներ, փոքր խմբեր (6-9 մարդ) և մեծ խմբեր (մինչև 26 մարդ): Մրջյունները նույնպես աշխատել են անհատապես, փոքր խմբերով (մոտ 7 մրջյուն) և մեծ խմբերով (մինչև 80 մրջյուն):
Արդյունքները ցույց են տվել, որ անհատ մարդիկ ավելի արդյունավետ են եղել, սակայն խմբային աշխատանքում մրջյունները գերազանցել են մարդկանց: Մրջյունները ցուցաբերել են կոլեկտիվ հիշողություն, որը նրանց օգնել է խուսափել կրկնվող սխալներից և գործել ավելի համախմբված: Մարդկանց խմբերում, սահմանափակ հաղորդակցության պայմաններում, արդյունավետությունը նվազել է:
Այս ուսումնասիրությունը հաստատում է, որ մրջյունների խմբային աշխատանքը ավելի արդյունավետ է, քան մարդկանց մոտ, ինչը կարող է կարևոր լինել ապագա ալգորիթմների և արհեստական բանականության համակարգերի մշակման համար:
