Microsoft-ը Windows Terminal-ին ավելացրել է ChatGPT AI չաթբոտ գործառույթը՝ որպես Windows 11 Canary-ի փորձնական մաս: ChatGPT-ի AI-ի հնարավորությունները Windows Terminal-ում կարող են օգտագործվել հրամաններ ստեղծելու, սխալները բացատրելու և դրանք շտկելու վերաբերյալ առաջարկություններ տրամադրելու համար:
Microsoft-ը նշում է, որ AI-ը հնարավորություն կտա բացատրել հրամանները, ինչպես նաև դրանց կատարման ընթացքում հանդիպող սխալները բնական լեզվով։ Չաթբոտը նաև լուծումներ կառաջարկի, օրինակ՝ այլընտրանքային հրաման, եթե սկզբնականը չաշխատի։
Ընկերությունը Canary-ում AI-ի հետ ինտեգրացիան ավելացրել է անցյալ շաբաթ, ինչպես հայտարարվել էր Build 2023 ծրագրավորողների համաժողովի ժամանակ։ Այնուամենայնիվ, գործառույթը դեռ չի տրամադրվում ներկառուցված մեծ լեզվական մոդելի հետ և պահանջում է միացում Azure OpenAI ծառայության հետ:
Terminal-ում չաթբոտը օգտագործելու համար հարկավոր է ներբեռնել հավելվածը GitHub-ից և տեղադրել այն Windows 11-ում: Այնուհետև պետք է մուտքագրեք ձեր Azure AI ծառայության վերջնակետը, տարմինալի զրույցի կարգավորումները և պահպանեք այդ մանրամասները: Պարամետրը կապում է տերմինալային չաթը նշանակված AI ծառայության հետ (ChatGPT-3.5 կամ այլ մոդել):
Հետևե՛ք բոլոր թարմացումներին և How2B-ի նորություններին՝ միանալով How2B-ի Տելեգրամյան ալիքին:
