Մարկ Ցուկերբերգը հայտարարել է, որ ապագայում Meta-ի գործիքները թույլ կտան փոքր բիզնեսներին և բովանդակություն ստեղծողներին ստեղծել իրենց AI տարբերակը։ Թվային երկվորյակը կկարողանա պատասխանել հաղորդագրություններին, շփվել բաժանորդների հետ և կատարել այլ առաջադրանքներ։
Այս մասին նա հայտարարել է օրեր առաջ SIGGRAPH համաժողովում՝ Nvidia-ի գլխավոր տնօրեն Ջենսեն Հուանգի հետ զրույցում։
Հաջորդ քայլը, Ցուկերբերգի խոսքերով, թվային գործակալների ստեղծումն է, որոնք վերապատրաստված են լինելու բովանդակության ստեղծման հարցում, որն էլ կներկայացնի օգտատերերին այնպես, ինչպես նրանք են ցանկանում: Մարդիկ կկարողանան ստեղծել «գործակալներ»՝ տարբեր իրավիճակներում օգտագործելու համար:
Ինչպես մյուս խոշոր տեխնոլոգիական ընկերությունները, Meta-ն նույնպես բախվում է ներդրողների քննադատությանը՝ արհեստական բանականության ծախսերի վերաբերյալ: Այս տարվա սկզբին ընկերությունը նշել էր, որ նույնիսկ զգալի ներդրումների դեպքում արհեստական բանականության արտադրանքը երկար ժամանակ զգալի շահույթ չի բերի:
Նշենք, որ Meta-ն բավականաչափ տվյալներ ունի տեխնոլոգիան վերապատրաստելու համար, քանի որ ավելի քան 3 միլիարդ մարդ ամեն օր օգտագործում է ընկերության հավելվածներից առնվազն մեկը:
Բիզնես և տեխնոլոգիական ոլորտում սպասվող ամենահետաքրքիր միջոցառումները գտե՛ք այստեղ։
