-0.9 C
Yerevan
Thursday, February 2, 2023

Mercedes-Benz-ը հետ է կանչել մոտ 1մլն մեքենա՝ արգելակների խնդիրների պատճառով 

Վերջին լուրերը

Mercedes-Benz-ը հետ է կանչել մոտ 1մլն մեքենա՝ արգելակների խնդիրների պատճառով 
How2B
How2B-ն մեդիա հարթակ է, որի գլխավոր նպատակն է հեշտացնել բիզնես անելը Հայաստանում:

Գերմանական Mercedes-Benz ավտոարտադրող ընկերությունն ամբողջ աշխարհից հետ է կանչել գրեթե մեկ միլիոն ավտոմեքենա՝ արգելակման համակարգի հետ կապված հնարավոր խնդիրների պատճառով, գրում է BBC-ն։

Հետ են կանչվել ML, GL եւ R դասի մեքենաները, որոնք արտադրվել են 2004-2015թթ.։

«Արգելակների ուժեղացուցչի կոռոզիան վատագույն դեպքում կարող է հանգեցնել կապի խախտման արգելակի ոտնակի եւ արգելակի համակարգի միջեւ։ Դրա հետեւանքով չի  գործի աշխատանքային արգելակը»,- ասվում է Գերմանիայի դաշնային ավտոտրանսպորտային գերատեսչության տարածած հաղորդագրության մեջ։

Ավտոարտադրող ընկերությունը հայտնել է, որ կապ կհաստատի մեքենաների սեփականատերերի հետ: Հետկանչը վերաբերում է ընդհանուր առմամբ 993 407 ավտոմեքենայի, որից 70 000-ը Գերմանիայում են:

Mercedes-Benz-ը հաստատել է գերմանական ավտոտրանսպորտային գերատեսչության տեղեկատվությունը՝ հաղորդելով, որ ծայրահեղ դեպքերում մեքենայի արգելակումը աշխատանքային արգելակի օգնությամբ կարող է անհնար լինել։

«Դա բարձրացնում է դժբախտ պատահարների կամ վնասվածքների հավանականությունը»,- նշել է ավտոարտադրողը։

Ընկերությունը մտադիր է ստուգել նշված տրանսպորտային միջոցները, նրանց տերերին անհրաժեշտության դեպքում կառաջարկվեն անվճար այլընտրանքային միջոցներ։

«Մինչեւ ստուգման պահը մենք մեր հաճախորդներին խնդրում ենք չօգտվել ավտոմեքենաներից»,- տեղեկացրել է Mercedes-Benz-ը:

Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։

Կարդացե՛ք նաև

spot_img
spot_img

Ամենաընթերցվածները