Seagate Technology-ն ամփոփել է 2025 ֆինանսական տարվա առաջին եռամսյակի արդյունքները: Ընկերության եկամուտները հասել են 2,17 միլիարդ դոլարի, որը նախորդ տարվա նույն ժամանակահատվածի համեմատ աճել է գրեթե 50%-ով: Այս աճը հիմնականում պայմանավորված է ամպային պահոցների և կորպորատիվ հատվածում կոշտ սկավառակների պահանջարկի մեծացմամբ:
Ընկերությունը հատկապես հաջողության է հասել մեծ տարողության սկավառակների արտադրության ոլորտում: Այս ուղղությունը կազմում է ընկերության ընդհանուր արտադրանքի 93%-ը: Ամպային տեխնոլոգիաների ոլորտում առավել մեծ պահանջարկ են վայելում 24 Տբայթ (CMR) և 28 Տբայթ (SMR) տարողությամբ սկավառակները, որոնք ապահովում են այս հատվածում ընկերության եկամուտների ավելի քան մեկ հինգերորդը:
Ուշագրավ է, որ ընկերության կոշտ սկավառակի միջին տարողությունը տարեկան կտրվածքով ավելացել է 43%-ով՝ հասնելով 10,6 Տբայթի: Մեծ տարողությամբ կրիչների հատվածում այն տարվա ընթացքում ավելացել է 38%-ով՝ հասնելով 14,3 Տբայթի, իսկ դասական արտադրանքի հատվածում՝ խորհրդանշական մեկ տոկոսով՝ մինչև 2,4 Տբայթ: