Հայաստանի ֆուտբոլի ազգային հավաքականի նախկին ֆուտբոլիստ, Հարավային Ամերիկայում ՀՖՖ դեսպան Մարկոս Պիզզելլին նշանակվել է «Էնթերփրայզ Արմենիայի» ներկայացուցիչ Բրազիլիայում, հաղորդվում է կազմակերպության ֆեյսբուքյան էջում:
«Էնթերփրայզ Արմենիայի» ներկայացուցիչների ցանցը ներկայումս ներառում է 13 ներկայացուցիչ 9 երկրում, որոնք նպաստում են կազմակերպության առաքելության և նպատակների իրագործմանը: «Էնթերփրայզ Արմենիայի» ներկայացուցիչները օժանդակություն են տրամադում Հայաստանում ներդրում կատարելու կամ բիզնես գործունեություն ծավալելու մտադրություն ունեցող ընկերությունենրին:
«Էնթերփրայզ Արմենիան» ներդրումների ներգրավման ազգային կառույցն է Հայաստանում, որի առաքելությունն է խթանել և սպասարկել օտարերկրյա և տեղական ներդրումները, Հայաստան ներգրավել նոր օտարերկրյա ուղղակի ներդրումներ, աջակցություն և ֆինանսավորում տրամադրել ՓՄՁ-ներին:
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
