Հայաստանում էլեկտրոնային առևտրի ամենահայտնի և առաջատար հարթակը՝ List.am-ը վերաբրենդավորվել է և ներկայացրել նոր տարբերանշանը։ Ինչպես նաև վերանվանվել է «List»` առանց .am-ի։
«2005-ից ի վեր կազմելով Ձեր կյանքի մի մասը, այսօր մեր նոր տարբերանշանով ընդգծում ենք մեր վաճառողների ու գնորդների լայն ու բազմազան լսարանների միջև արդյունավետ կապը և սահմանում նոր ձեռքբերումների ու բարձունքների սկզբնակետը:
Հավատարիմ մնալով մեր տեսլականին, մենք շարունակելու ենք ձգտել կատարելության և աջակցել անհատներին ու բիզնեսներին, որ մեր հարթակի միջոցով հասնեն իրենց նպատակներին»,- ասվում է հայտարարության մեջ։
Հաջորդ մի քանի շաբաթների ընթացքում կայքում, գովազդներում, բջջային հավելվածում բոլոր տեսողական տարրերը կփոխվեն՝ համապատասխանելով նոր ուղղությանը:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
