Ապրիլի 6-ին Թարգեթինգ ընկերության նախաձեռնությամբ տեղի ունեցավ Հայաստանում և տարածաշրջանում իր ձևաչափով առաջին բիզնես նեթվորքինգ իրադարձությունը՝ LinkedIn Local Event-ը։
Նեթվորքինգ անելու համար պետք են հատուկ հմտություններ, սա է ամենատարածված կարծիքը։ Մինչդեռ իրականության մեջ հաջողված նեթվորքինգ անելու համար անհրաժեշտ է ճիշտ ընտրված վայր, բիզնես լսարան և ուղղորդված գործընթացներ։
LinkedIn Local Yerevan միջոցառումը Altezza by Armenian Helicopters-ի հարկի տակ միավորել էր 300+ գործարար համայնքի անդամների՝ ստեղծելու նոր կապեր, խորացնելու առկա կապերը, օգտվելու ընձեռված հնարավորություններից և իրենց հերթին դառնալու հնարավորություն այլ բիզնեսների և գործարար մարդկանց համար։
Իր ձևաչափով միջազգային այս ֆորմատը՝ LinkedIn Local Event-ը, միտված է նոր մշակույթի ձևավորմանը, որը նպաստելու է ամենատարբեր մասշտաբի բիզնեսներին հիմք դնելու նոր նախաձեռնությունների և խորացնելու իրենց կապերը։ Թարգեթինգ ընկերություը դեռ տարեսկզբին հաջող փորձ էր ունեցել Լոս Անջելեսում՝ Միացյալ Նահանգներում՝ կազմակերպելով LinkedIn Local Glendale-ը։ Այնուհետև այս հաջողված փորձը տեղափոխեց Երևան։
LinkedIn Local Yerevan միջոցառման մեկնարկը ազդարարվեց խոսնակների ուղղաթիռով ժամանմամբ։ Միջոցառման 7 խոսնակներ՝ Արմեն Դարբինյանը, Աշոտ Հովհաննիսյանը, Ռեմ Դարբինյանը, Արմինե Մկրտչյանը, Գոռ Կարապետյանը և Էմիլ Կրոյանը կիսվեցին իրենց հաջողակ պատմություններով և շեշտեցին բիզնես աշխարում գրագետ նեթվորքինգ անելու անհրաժեշտությունը։
Նշենք, որ այս միջոցառման հասույթի 10 %-ը ուղղվելու է ռեԱրմենիա հարթակում ներկայացված «Մարզերի երեխաները մարզերում» և «Ուսանողի տուն» սոցիլական ծրագրերին։
Միջոցառման ընթացքում կային ամենատարբեր ժամանցային և ինֆորմացիոն նախաձեռնությունները։ Բոլոր ներկաները հնարավորություն ունեին վայելելու գինու հյուրասիրություն, համեղ սուրճի և թխվածքաբլիթների հյուրասիրություն։ Իսկ միջոցառման ընդմիջումներին մասնակինցերը կարող էին խաղալ գոլֆ և անելու ամենագնացների թեսթ-դրայվ։
LinkedIn Local Yerevan միջոցառումը լի էր նաև տարբեր անակնկալներով և մրցանակներով՝ նախատեսված միջոցառման մասնակիցների համար։
LinkedIn Local Yerevan միջոցառումը սրանով չի ավարտում իր անակնալները և հանդես կգա նոր նախաձեռնությամբ, մասնավորապես՝ հունիսի 14-ին Ararat Valley Golf Club-ում տեղի կունենա Business YereFun-ը՝ իր բնույթով կլինի ավելի ոչ ֆորմալ և նոր անակնկալներով մեկ այլ միջոցառում։
Բիզնես և տեխնոլոգիական ոլորտում սպասվող ամենահետաքրքիր միջոցառումները գտե՛ք այստեղ։
