Apple-ի նախկին գլխավոր դիզայներ Ջոնի Այվը BBC-ի փոդքաստում խոսել է այն արտադրանքի մասին, որը փրկել է կորպորացիան սնանկությունից: Նրա կարծիքով՝ այդ արտադրանքը iMac համակարգիչն է։
Այվը նշել է, որ 1990-ականների վերջին Սթիվ Ջոբսի՝ Apple վերադառնալու դարաշրջանում կորպորացիան կանգնած էր սնանկացման եզրին. այն նույնիսկ ստիպված էր 150 միլիոն դոլարի ներդրում ներգրավել մրցակից Microsoft-ից: Այվը պատմել է, որ Ջոբսն անհատական համակարգիչն էր համարում այն արտադրանքը, որը կփրկի ընկերությունը:
Նախկին գլխավոր դիզայների խոսքով՝ Ջոբսն անմիջապես Այվին «անիրագործելի խնդիր» է տվել՝ ստեղծել այնպիսի դիզայն համակարգչի համար, որը գրավիչ կլինի սովորական օգտագործողի համար։ «Մեր ծանոթության առաջին օրվանից մենք սկսեցինք աշխատել մի պրոդուկտի վրա, որը դարձավ iMac», — հիշում է Այվը: Նա նշել է, որ iMac-ի հաջողությունը թույլ է տվել փրկել Apple-ը և հետագայում ստեղծել iPhone սմարթֆոն և iPad պլանշետ:
Ջոբսը հանձնարարել է Այվին ստեղծել սարքի դիզայն ընդամենը մի քանի օրվա ընթացքում. այն պետք է լիներ «ընկերական» համակարգիչ այն մարդկանց համար, ովքեր չեն տիրապետում տեխնոլոգիային: Այվը հիշեց, որ 1990-ականներին համակարգիչները միայն մասնագետների համար նախատեսված լուրջ սարքեր էին թվում: Այդ իսկ պատճառով դիզայները մշակել է կիսաթափանցիկ մարմին, վառ գույների դիզայն և բռնակ՝ հեշտությամբ բռնելու և տեղափոխելու համար:
«Համակարգիչը կենդանի էր, ոչ ստատիկ, ոչ սառած»,- ասել է Այվը iMac-ի մասին: Սարքը հաջողեց շուկայում. 1999-ին թողարկվելուց հետո հինգ ամսվա ընթացքում Apple-ը վաճառեց 800 հազար սարք:
Կարդացե՛ք նաև.
