2025 թվականի հունվար ամսվա ընթացքում Հայաստանի տնտեսությունը ցուցաբերել է խառը դինամիկա 2024թ․ նույն ժամանակահատվածի համեմատությամբ: Տնտեսական ակտիվության ընդհանուր ցուցանիշը գրանցել է 7.1% աճ, սակայն ճյուղային զարգացումները եղել են անհամաչափ:
Ծառայությունների ծավալն աճել է 12.6%-ով, շինարարության ծավալը բարձրացել է 11.6%-ով, իսկ առևտրի շրջանառությունն ավելացել է 9.9%-ով:
Միևնույն ժամանակ, արտաքին առևտրի ցուցանիշները զգալիորեն վատթարացել են՝ արտահանման 49.2% և ներմուծման 33.5% կրճատմամբ: Արդյունաբերության թողարկման ծավալը նույնպես նվազել է 10.4%-ով:
