Բիզնեսը դադարեցրել է գործունեությունն ու որոշ ժամանակ անց որոշում է նաև փակել բանկային հաշիվները։ Ըստ գործող կարգավորումների՝ դա համարվում է գործունեության վերսկսում, ու դրա արդյունքում բիզնեսը ստիպված է լինում լրացուցիչ անհարմարությունների բախվել։
Լրացուցիչ բեռի տակ կհայտնվեք նաև, եթե, օրինակ, հայտարարագրեր ներկայացնեք իրական շահառուների վերաբերյալ։
Նմանատիպ գործողությունների ցանկը բավականին մեծ
է, իսկ, ըստ ՊԵԿ-ի տվյալների, նախորդ տարվա ընթացքում նման խնդրի հնարավոր է բախվեն 52127 տնտեսվարողներ:
Հենց այս հարցն էլ սեպտեմեբերի 11-ին՝ ՀՀ էկոնոմիկայի նախարարությունում՝ Փոքր Եվ Միջին Ձեռնարկատիրության Զարգացման Պետություն-Մասնավոր Երկխոսության հարթակում, բարձրաձայնեց Հայաստանի հաշվապահների ասոցիացիայի ներկայացուցիչ Հասմիկ Հարությունյանը:
Քննարկման ժամանակ հարթակի փորձագիտական աջակցությամբ զբաղվող Investment Council Armenia-ի թիմը ներկայացրեց նախագիծ, որով առաջարկվեց համապատասխան հոդվածում գործունեության վերսկսում չհամարվող դեպքերի շրջանակն ընդլայնել։
Մանրամասներին ծանոթացեք մեր ռեպորտաժում՝ ստորև՝
