Կազմակերպիչ՝ improvis
Ովքեր կարող են դիմել՝ 7-10-րդ դասարանի աշակերտներ
Ծրագրի մասին․
2020 թվականից սկսած Իմպրովիզ ընկերության Գյումրու մասնաճյուղը նախաձեռնել ու հիմնել է ինֆորմատիկայի և սպորտային ծրագրավորման օլիմպիական դասընթացների կենտրոն, որն իր բնույթով եզակի է Շիրակի մարզում և ստեղծման առաջին իսկ օրվանից նպատակ է ունեցել բալանսավորել այն անհամաչափությունը, որն առկա է Երևանի և մարզերի դպրոցականների գրանցած հաջողություններում՝ ինչպես ներհայաստանյան, այնպես էլ միջազգային օլիմպիադաներում։ Կենտրոնում դասընթացներն անցկացվում են բացառապես անվճար հիմունքներով, ավելին՝ բարձր առաջադիմություն ցուցաբերած աշակերտներին հատկացվում է ամսական կրթաթոշակ՝ 10․000 դրամի չափով։
Ընդունելության քննությունները ընթանում են 2 փուլով՝ գրավոր և բանավոր։ Քննությունների արդյունքում ձևավորվում են խմբակները, և նշանակվում են մարզիչներ, ովքեր արդեն իսկ հանդիսանում են միջազգային օլիմպիադաների մեդալակիրներ։
Ընդունելությանը կարող են մասնակցել Շիրակի մարզի 7-ից 10-րդ դասարանի աշակերտները։
Օլիմպիական ծրագրավորման կենտրոնի դասընթացներին միանալու համար գրանցվել կարող եք՝ հետևյալ հղումով:
Օլիմպիական կենտրոնի արձանագրած հաջողությունները`
- 2020-2021 թթ․ կենտրոնն ունեցել է 8 աշակերտ,
- օլիմպիադաների մարզային փուլ անցել է 6 աշակերտ,
- օլիմպիադաների հանրապետական փուլ անցել է 2 աշակերտ,
- հանրապետական փուլին արժանացել են 3-րդ կարգի դիպլոմի և գովասանագրի։
- 2021-2022 թթ․ կենտրոնն ունեցել է 22 աշակերտ,
- օլիմպիադաների մարզային փուլ անցել է 22 աշակերտ,
- օլիմպիադաների հանրապետական փուլ անցել է 4 աշակերտ,
- հանրապետական փուլին 2 աշակերտ արժանացել են 3-րդ կարգի դիպլոմի (տես՝ Դիագրամ 1)։
Կարևոր է նշել, որ վերջին տարիներին ՀՀ մարզերի մասնակիցներից միայն մեր կենտրոնի սաներն են կարողացել հանրապետական փուլում արժանանալ 3 կարգի դիպլոմի և մրցակցության մեջ մտնել մայրաքաղաքի օլիմպիական հարուստ ավանդույթներ ունեցող դպրոցների աշակերտների հետ (տես՝ Դիագրամ 2)։
Միջազգային Ժաուտիկովյան օլիմպիադային Իմպրովիզ ընկերության օլիմպիական կենտրոնի աշակերտները՝ Ժորա Ունուպօղլյանը և Գևորգ Բոյախչյանը արժանացել են բրոնզե մեդալների, ընդ որում, աշակերտներից Ժորա Ունուպօղլյանը Հայաստանը ներկայացնող 12 մասնակիցների միավորների հաշվով զբաղեցրել է 1-ին հորիզոնականը։
Նշենք նաև, որ միջազգային օլիմպիադայի արդյունքների հիման վրա մեր կենտրոնի աշակերտները իրավունք են ստացել առանց ընդունելության քննությունների անվճար շարունակել ուսումը ՀՀ պետական բուհերում։
Հաջորդ տարիների տեսլականը
2022-2023 թվականներին նախատեսում ենք աշակերտների թիվը հասցնել 60-ի և զարգացնել արդեն իսկ արձանագրած հաջողությունների դինամիկան, աշխատելով ավելացնել մեդալների ինչպես քանակական, այնպես էլ որակական ցուցանիշները։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
