B2B և SaaS հարթակներ մշակող համաշխարհային առաջատար ընկերություններից մեկը՝ Hystax-ը, Հայաստանում գրասենյակ է բացում, հայտնում է investin.am հարթակը:
Hystax-ը համարվում է FinOps-ի և cloud cost-ի կառավարման ոլորտում աշխարհի առաջատար ընկերություններից մեկը, որի մշակած SaaS լուծում OptScale-ը ապահովում է Kubernetes-ի, Microsoft Azure-ի, AWS-ի և Alibaba-ի աշխատանքային ծանրաբեռնվածության տեսանելիությունը, օպտիմալացումը և դրանց նկատմամբ վերահսկողությունը։
OptScale-ն օգնում է ընկերություններին ստեղծել արդյունավետ և անվտանգ ՏՏ ծանրաբեռնվածության օգտագործման մշակույթ՝ տրամադրելով բոլոր անհրաժեշտ գործիքները FinOps-ի, ՏՏ փորձարկման միջավայրի և cloud cost-ի կառավարման համար:
Hystax-ն աշխատում է Airbus, Nokia, Burger King, Bentley, Yves Rocher, PwC և այլ հայտնի ընկերությունների հետ։
Գլխամասային գրասենյակը գտնվում է ԱՄՆ-ի Կալիֆոռնիա նահանգի Սաննիվեյլ քաղաքում։