Tesla ընկերությունը հայտարարել է, որ առաջին Cybertrack-երի զանգվածային մատակարարումները կսկսվեն նոյեմբերի 30-ից։ Ընկերությունը պլանավորում էր մոդելի զանգվածային մատակարարումները սկսել դեռ 2021-ին։
Ամսաթիվը հրապարակվել է X-ում Cybertruck-ի պաշտոնական հաշվի կողմից: TechCrunch-ը նշում է, որ այդ օրը Տեխաս նահանգի Օսթին քաղաքի Tesla գործարանում տեղի կունենա միջոցառում, որտեղ մի քանի գնորդներ կստանան մեքենաները։
Առաքման ամսաթիվը հայտարարվել է ընկերության 2023 թվականի երրորդ եռամսյակի հաշվետվության հրապարակման հետ մեկտեղ: Ըստ որի՝ եկամուտը տարեկան կտրվածքով աճել է 9%-ով՝ հասնելով 23,35 մլրդ դոլարի, զուտ շահույթը նվազել է 44%-ով՝ հասնելով 1,8 մլրդ դոլարի։
Tesla-ն նշել է, որ շահույթը նվազել է այդ թվում՝ տրանսպորտային միջոցների ցածր գների, արտադրական օբյեկտների արդիականացման ծախսերի ավելացման և Cybertruck-ի արտադրության, AI-ի և այլ զարգացումների պատճառով:
Իլոն Մասկը ներկայացրել է Cybertruck-ը 2019 թվականի նոյեմբերին։ Մեքենայի զանգվածային արտադրության մեկնարկը մի քանի անգամ հետաձգվել է, իսկ 2023 թվականի հուլիսին ընկերությունը խոստացել է այն սկսել մինչև տարեվերջ։
Հետևե՛ք բոլոր թարմացումներին և How2B-ի նորություններին՝ միանալով How2B-ի Տելեգրամյան ալիքին:
