Գործարկվել է հայկական Docus հարթակի Version 1 տարբերակը, որն այժմ Product Hunt տեխնոլոգիական նորությունների հարթակում է և պայքարում է օրվա պրոդուկտ դառնալու համար։ Հիշեցնենք, որ մինչ այս գործում էր դրա բետա տարբերակը։
Docus-ն արհեստական բանականությամբ օժտված օնլայն հարթակ է, որը հնարավորություն է տալիս կապ հաստատել Եվրոպայի և ԱՄՆ-ի լավագույն բժշկական հաստատությունների հետ՝ այդկերպ մեծացնելով հիվանդների՝ ճշգրիտ ախտորոշում և բուժում ստանալու հնարավորությունը։
Պրոդուկտին մանրամասն ծանոթանալ և դրա օգտին քվեարկել հնարավոր է այստեղ։
Ինչ առավելություններ ունի Docus Platform v1-ը.
- Անհատականացված AI Առողջապահական օգնական, որի շնորհիվ կրկնվող մուտքերի կարիք չի լինի։ Մեկ անգամ լրացնելով ձեր առողջության տվյալները՝ հարթակի արհեստական ինտելեկտը կճանաչի ձեզ ձեր բոլոր հետագա շփումներում:
- Կցված ֆայլեր չաթերում. Կարող եք վերբեռնել ձեր առողջական գրառումները և թեստի արդյունքները անմիջապես ձեր չաթերում՝ ավելի խորը AI պատկերացումների համար:
- AI Health Report. Կարող եք ստեղծել առողջության AI անհատականացված հաշվետվություն, որը կներառի ձեր ախտանիշները, թեստերի արդյունքները, հնարավոր ախտորոշումն ու AI-ի վրա հիմնված առաջարկություններ:
- Ստուգում բժշկի կողմից. AI կողմից ստեղծված առողջության մասին զեկույցով (AI Health Report) կարող եք կիսվել ԱՄՆ-ի և Եվրոպայի առաջատար բժիշկների հետ՝ առավելագույն ճշգրտություն ապահովելու համար:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։