Techcrunch-ը տեղեկացնում է, որ Y Combinator-ի 2018 թվականի ամառային շրջափուլի մասնակից Դավիթ Բունիաթյանի հիմնադրած Activeloop ստարտափը 5 միլիոն դոլար է ներգրավել։ Ներդրումը ներգրավվել է 468 Capital և CM Ventures ֆոնդերի կողմից: Բացի այդ՝ ներդրումային փուլին մասնակցել են նաև Tribe Capital, Shasta Ventures ֆոնդերը և մի շարք ներդրող հրեշտակներ։
Ընկերության հիմնադիր և գործադիր տնօրեն Դավիթ Բունիաթյանը նշում է, որ ստարտափի հիմք է դարձել Փրինսթոնի համալսարանում կատարած իր հետազոտությունը։
Ներկայումս բաց կոդով նախագիծն ունի 55 աջակից և համայնքի 700 անդամ: Ի դեպ, ծրագիրը մինչ օրս ներբեռնել են ավելի քան 300 հազար անգամ։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
