-0.9 C
Yerevan
Wednesday, February 8, 2023

«Հայաստանում պետք է լինի այնպիսի միտք, որը կողջունի և կզարգացնի արհեստական բանականությունը». Նուբար Աֆեյան

Մարտահրավերները մեզ համար խիստ ծանոթ են: Դրանք ստիպում են մեզ մեր մտքերը կենտրոնացնել, ուժերը լարել:

Վերջին լուրերը

«Հայաստանում պետք է լինի այնպիսի միտք, որը կողջունի և կզարգացնի արհեստական բանականությունը». Նուբար Աֆեյան
Նանէ Հայրապետյան
Բազմաթիվ ինչուների պատասխանի հետևից գնալու համար, նախ ընտրեցի ԵՊՀ ժուռնալիստիկայի ֆակուլտետի ճանապարհը, հետո քաղաքական ինչուները տարան Պետական Կառավարման Ակադեմիա ու ստացա քաղաքագիտության մագիստրոսի կոչում: Բարև Ձեզ, ես Նանէ Հայրապետյանն եմ, այս հարթակում պատմում եմ ՏՏ-ի, բիզնեսի և ինովացիաների մասին: Եթե ունեք հարցեր կամ թեմաներ, որոնց կուզեք որ անդրադառնանք, գրեք ինձ հետևյալ հարթակններում:

Հայաստանում արհեստական բանականության զարգացումն, ըստ Նուբար Աֆեյանի, շատ կարևոր է:

Երևանում այս պահին անցկացվում է Հայաստանի գիտության և տեխնոլոգիաների հիմնադրամի (FAST) Գլոբալ ինովացիոն ֆորումը (GIF):

Աշխարհահռչակ հայ գործարար, FAST-ի համահիմնադիր, Moderna-ի համահիմնադիր Նուբար Աֆեյանը սպասում էր այս միջոցառմանը.

«Մեզանից շատերը վերադառնում են այն տեղերից, որտեղ ստիպված են բնակվել, և փորձում ենք կիսվել նրանով, ինչ սովորել ենք այդ վայրերում»,-ասաց Աֆեյանը:

«Ապագա հայկականը» շարժման նախաձեռնողը նկատեց, որ ֆորումը կայանում է երկրի համար դժվարին պայմաններում, որի ժամանակ փոքր ինչ դժվար է խոսել մեքենայական ուսուցման, կենսաբանության, գիտական այլ տեխնոլոգիաների մասին:

«Մարտահրավերները մեզ համար խիստ ծանոթ են: Դրանք ստիպում են մեզ մեր մտքերը կենտրոնացնել, ուժերը լարել: Մարտահրավերները, որոնք տեսնում ենք որպես պետություն, որը գտնվում է զարգացման փուլում, բազմաթիվ են: Մենք ունենք ոչ համարժեք ռեսուրսներ, 30 տարվա ընթացքում թերզարգացած տնտեսություն, ինստիտուցիոնալ կարողությունների բացակայություն, զարգացումը դանդաղ է գնում, բարդ աշխարհագրական դիրք, որը մենք չենք ընտրում: Բայց սա մեր տունն է եղել շատ ավելի վաղ, քան մեր բոլոր հարևանները հայտնվեցին այստեղ»,-ասաց Աֆեյանը:

«Հայաստանում պետք է լինի այնպիսի միտք, որը կողջունի և կզարգացնի արհեստական բանականությունը». Նուբար Աֆեյան
Նուբար Աֆեյան

Ինովացիոն ֆորումում Աֆեյանը նկատեց, որ սա լինելու է այն դարը, որտեղ կենսաբանությունն է ամենամեծ ազդեցություն ունենալու մարդկության վրա:

«Կենսաբանությունը միշտ էլ եղել է մարդու կյանքի մի մասը, բայց տեխնոլոգիայի տեսանկյունից երբեք կապված չի եղել համակարգիչների հետ, հիմա կապվում է, ինչը շատ կարևոր է»,- ասաց Աֆեյանը:

Ըստ նրա, նորարարության զարգացման համար կարևոր է երևակայությունը և հավատը:

«Արհեստական բանականությունը կարող է լինել հեղափոխական ուժ՝ ոչ միայն կոմերցիոն կամ այլ ոլորտներում, այլ նաև գիտության ոլորտում, քանի որ արհեստական բանականությունը ունակ է նաև տեսնելու այն միտումները, որոնք մարդու միտքը չի կարողանում տեսնել՝ այն բարդության մակարդակով, որը կա: Մարդիկ միգուցե չտեսնեն, որ ինչ-որ տեղ կարելի է ունենալ առաջընթաց, իսկ մեքենան տեսնի դա՝ կատարելով կանխատեսումներ, թե ինչքան մոտ կարող ես դրան գնալ»,-ասաց Աֆեյանը:

Աֆեյանը հավելեց՝ կցանկանար, որ Հայաստանում լինի այնպիսի միտքը, որը պետք է ողջունի և զարգացնի արհեստական բանականությունը:

Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։

Կարդացե՛ք նաև

Ամենաընթերցվածները