Հայաստանում 2021թ. կատարված օտարերկրյա ուղղակի ներդրումները կազմել են 129,2 մլրդ դրամ, ԱԺ մշտական հանձնաժողովների համատեղ նիստում հայտնել է ՀՀ էկոնոմիկայի նախարար Վահան Քերոբյանը։
«2021 թվականին Հայաստանի տնտեսական իրական հատվածում օտարերկրյա ներդրումների զուտ հոսքերի ծավալները կազմել են 204,8 մլրդ դրամ: Նույն ժամանակահատվածում օտարերկրյա ուղղակի ներդումները կազմել են 129,2 մլրդ դրամ, որի մոտ 1/3-րդը կամ 40,1 մլրդ դրամ բաժին է ընկել ԵԱՏՄ երկրներին»,-նշել է Քերոբյանը:
2022 թվականի առաջին կիսամյակում Հայաստանի տնտեսության մեջ օտարերկրյա ուղղակի ներդրումների ծավալը կազմել է 76,5 մլրդ դրամ։
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։