Օսլոյում անցկացված մաթեմատիկայի 63-րդ միջազգային օլիմպիադայում հայ դպրոցականները երկու արծաթե և չորս բրոնզե մեդալներ են նվաճել։
«2 արծաթե և 4 բրոնզե մեդալներ։ Բոլոր աշակերտներն էլ արժանացան մեդալների, ինչն արդեն ընկալում ենք որպես նորմալ երևույթ»,- իր ֆեյսբուքյան էջում գրում է թիմի մարզիչ Սմբատ Գոգյանը։
Այս տարի Հայաստանի թիմը մարզել են Սմբատ Գոգյանը, Տիգրան Մարգարյանը, Գուրգեն Ասատրյանը, ինչպես նաև նախկին օլիմպիականներ։
Սմբատ Գոգյանը նշում է, որ հաջորդ տարի պլանավորում են խմբակները տեղափոխել մարզեր։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
