Առաջադրանքներ՝ այս հղումով
Դիմելու տարիք՝ 13-30
Գլխավոր մրցանակ՝ 2,500,000 դրամ
Մեկնարկելու է «Աջակցող տեխնոլոգիաների նախագծման ինժեներական մրցույթ 𝗔𝗧𝗗𝗘𝗖 𝟮𝟬𝟮𝟭»-ը, որը եզակի մարտահրավեր է ամբողջ հանրապետության երիտասարդ ինժեներական և հետազոտական թիմերի համար՝ մշակելու աջակցող տեխնոլոգիաներ, որոնք կբարելավեն ու կմեծացնեն աջակցության կարիք և հաշմանդամություն ունեցող մարդկանց հնարավորությունները հասարակության շրջանում։
Շտապի՛ր գրանցել քո թիմը և սկսի՛ր աշխատանքը առաջարկվող իրական առաջադրանքների վրա։
Մրցույթը կազմված է հիմնական երկու փուլերից՝
1-ին փուլ. թիմերը պետք է ինքնուրույն, իրենց հաստատություններում/լաբորատորիաներում մշակեն առաջադրված խնդիրների պահանջներին համապատասխան նախագծեր և տրամադրեն լուծումը հավաստող տեխնիկական նկարագրությունը և տեսանյութը։
2-րդ փուլ. առաջին փուլը հաջողությամբ հաղթահարած թիմերը կմասնակցեն եզրափակիչ փուլին, որը տեղի կունենա հատուկ տեխնիկական և նյութական բազայով հագեցած միջավայրում, որտեղ երեք օր անընդմեջ թիմերը պետք է լուծեն և ժյուրիին ներկայացնեն լավարկված լուծումները՝ հաշվի առնելով ներկացված լրացուցիչ պայմանները:
Մրցույթին մասնակցելու կարգը՝
- Գրանցել թիմը մրցույթի կայքում և ստանալ թիմի հաշիվ՝ հետագա փոփոխություններ իրականացնելու հնարավորությամբ,
- Երեք ամիսների ընթացքում ինքնուրույն լուծել առաջադրված խնդիրներից որևէ մեկը,
- Ըստ ժամանակացույցի անձնական հաշիվ մուտքագրել լուծված խնդրի տեխնիկական նկարագրությունը և լուծումը փաստող տեսահոլովակի հղումը։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։