Granatus Ventures հայկական ներդրումային ընկերությունը հայտարարել է ներդրման մասին Endometrics ընկերությունում, որը մասնագիտացած է էնդոմետրիոզի հեղափոխական՝ ոչ ինվազիվ ախտորոշիչ լուծում մշակելու մեջ:
Էնդոմետրիոզը քրոնիկ հիվանդություն է, որը կանանց մոտ առաջացնում է ուժեղ ցավեր և անպտղություն: Այն ազդում է վերարտադրողական տարիքի կանանց մոտ 10%-ի վրա, դրա ախտորոշումը կարող է տևել մինչև 8 տարի և պահանջում է վիրահատական միջամտություն: Endometrics-ը յուրօրինակ լուծում է մշակում էնդոմետրիոզը ոչ ինվազիվ կերպով ախտորոշելու համար՝ բացահայտելով էնդոմետրիալ բջիջների գենոմային հատուկ առանձնահատկությունները:
Ընկերությունը, որը ղեկավարում է մրցանակակիր գինեկոլոգ և հետազոտող Յանա Ազնավուրը, միացել է Granatus Ventures-ի deep tech ընկերությունների պորտֆոլիոյին։
Granatus Ventures-ի ներդրումները կարագացնեն Endometrics-ի նորարարական լուծումների մշակումն ու գործարկումը, կօգնեն ընդլայնել նրա մարքեթինգային ջանքերը և լրացուցիչ տաղանդներ ներգրավելու հնարավորություն կտան։
Բերկլիում հիմնված Endometrics-ը թիմ ունի Հայաստանում և վերջերս ավարտել է Բերկլիի համալսարանի աքսելերատորը, բացի այդ Կանանց առողջության նորարարության գագաթնաժողովի ստարտափների ցուցահանդեսի(Women’s Health Innovation Summit Startup Showcase) զարգացող ստարտափների անվանակարգում արժանացել է առաջին տեղի մրցանակին։
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
