Հունիսի 10-ին Հայաստանի ֆոնդային բորսայում կայացել է պետական պարտատոմսերի տեղաբաշխման հերթական աճուրդը։ Տեղաբաշխվել է 30 մլրդ դրամ ծավալով պարտատոմս, որոնց մարման ժամկետը սահմանված է երեք տարի, իսկ տարբերակիչ ծածկագիրն է AMGN36294285։
Պահանջարկը զգալիորեն գերազանցել է առաջարկը՝ հասնելով ավելի քան 51 մլրդ դրամի։ Աճուրդում գրանցվել է միջին կշռված եկամտաբերություն՝ 9.4306%, իսկ արժեկտրոնի տարեկան եկամտաբերությունը կազմել է 8.40%։
Տվյալ արդյունքները վկայում են պետական պարտատոմսերի նկատմամբ ներդրողների վստահության, ինչպես նաև ֆինանսական շուկայի կայունության և գրավչության մասին։
Պարտատոմսեր կարելի է ձեռք բերել Հայաստանի ֆոնդային բորսայի միջոցով կամ առցանց՝ gp.minfin.am հարթակում։
Պարտատոմսերի աճուրդների մանրամասներին կարող եք ծանոթանալ այստեղ:
