Կառավարությունը հաստատել է «Արհեստական բանականության և մարդու իրավունքների, ժողովրդավարության և օրենքի գերակայության մասին» Եվրոպայի խորհրդի շրջանակային կոնվենցիայի ստորագրման որոշումը։
Արհեստական բանականությունը, որը ներկայումս ակտիվորեն կիրառվում է տարբեր ոլորտներում, հաճախ անհամաչափ կարգավորումների և վերահսկողության բացակայության պատճառով կարող է խախտել մարդու իրավունքները և ժողովրդավարության սկզբունքները։
Արդարադատության փոխնախարար Կարեն Կարապետյանի խոսքով՝ Հայաստանում արհեստական բանականության կիրառման համար բավարար իրավական հիմքեր դեռևս չկան, և կոնվենցիան կօգնի բարելավել այդ ոլորտի իրավական դաշտը։ Կոնվենցիան նախատեսում է բացառել խտրականությունը թվայնացման գործընթացներում և կանխարգելել անձնական տվյալների չարաշահումը։
Այն արդեն ստորագրել են ԱՄՆ-ը, Միացյալ Թագավորությունը, ԵՄ-ը, Իսրայելը, Վրաստանը և մի շարք այլ երկրներ։ Կոնվենցիան ուժի մեջ կմտնի, երբ այն ստորագրեն հինգ պետություն՝ ներառյալ ԵԽ երեք անդամ պետություն։
